Hundrað milljóna árshátíð Landsvirkjunar minni á „brjálæðið“ fyrir hrun Jón Þór Stefánsson skrifar 15. apríl 2024 17:38 Hörður Arnarson er forstjóri Landsvirkjunar. Inga Sæland segist vera í sjokki yfir árshátíð félagsins. Vísir/Vilhelm/Arnar Árshátíð Landsvirkjunar á Egilsstöðum um helgina, sem er sögð hafa kostað um hundrað milljónir króna, var til umfjöllunar á Alþingi í dag. Inga Sæland, formaður Flokks fólksins, gagnrýndi þennan kostnað harðlega og Bjarni Benediktsson forsætisráðherra sagðist ekki geta annað en að taka undir orð Ingu. „Meðalverð á starfsmann 500 þúsund krónur fyrir tveggja daga partý á Egilsstöðum,“ sagði Inga og hafði eftir hádegisfréttum RÚV þar sem bæði var talað um áðurnefndar hundrað milljónir, og að tvö- til þrjú hundruð starfsönnum hefði verið flogið austur. Í frétt RÚV kom jafnframt fram að Landsvirkjun hefði leigt breiðþotu frá Icelandair fyrir starfsmenn sína, til þess að fljúga þeim frá höfuðborgarsvæðinu til Egilsstaða. Þau hafi farið austur á föstudag og snúið heim suður á sunnudag. Þóra Arnórsdóttir, forstöðumaður samskipta hjá Landsvirkjun, segir við fréttastofu að útreikningur Ingu um að það sé vel í lagt að reikna út að ferðin hafi kostað 500 þúsund krónur á haus. Að sögn Þóru var áætlunin í kringum níutíu milljónir, en tekur fram að lokaútreikningur liggi ekki fyrir. Á árshátíðinni hafi verið 430 til 450 manns. Hún segist ekki hafa upplýsingar um hvað árshátíðin kostaði á haus. Þóra ArnórsdóttirVísir/Vilhelm „Helmingurinn af starfsfólkinu okkar vinnur úti á landi. Það var löngu búið að ákveða einhvern tímann að halda árshátíð utan höfuðborgarsvæðisins,“ segir Þóra sem bætir við árshátíðir hafi fallið niður vegna Covid-19 síðustu ár, nema í fyrra þegar þau hafi verið of sein skipuleggja og hún því haldin í Reykjavík.. „Þannig það var ákveðið að gera það núna.“ „Stór hluti tekna Landsvirkjunar verður til í þessum landshluta og með því að halda árshátíðina á Egilsstöðum skiljum við eftir tugi milljóna í nærsamfélaginu. Þetta heppnaðist allt upp á punkt og prik og Austfirðingar tóku okkur opnum örmum. Landsvirkjun hefur ekkert til að fela eða skammast sín fyrir varðandi þessa árshátíð. Þetta heppnaðist stórkostlega vel og allir voru ánægðir,“ segir Þóra. Hún bætir við að ekkert gull-risotto eða kampavín hafi verið á boðstólnum. Vanti bara Lady Gaga og Elton John „Hvaða ásýnd er þetta sem við erum að senda út í samfélag sem er að bugast hér undan okurvöxtum og rosalega þröngu búi hjá mörgum fyrirtækjum og heimilum í landinu?“ spurði Inga í fyrirspurnatíma á Alþingi í dag, en hún beindi erindi sínu að forsætisráðherra. Hún líkti árshátíðinni við það „brjálæði sem geisaði“ fyrir efnahagshrunið 2008, þar sem engu skipti hversu mikið hlutirnir kostuðu. Eini munurinn, að sögn Ingu, er sá að Lady Gaga og Elton John voru ekki að spila á árshátíð Landsvirkjunar. Bjarni Benediktsson tekur fram að Landsvirkjun hafi skilað miklum arði í ríkissjóð undanfarin ár.Vísir/Vilhelm Bjarni vísaði til þess að öll félög í eigu ríkisins ættu að horfa til almennu eigendastefnu ríkisins, og minntist sérstaklega á félögin ættu að stuðla að hagkvæmni í rekstri og fjárfestingum. „Ætli við verðum ekki að segja að hérna megi spyrja sig um það hvernig farið er með opinbert fé hvað hagkvæmni snertir. En þetta verður á endanum alltaf að meta eftir atvikum,“ sagði Bjarni. Bjarni benti á að mögulega væri betra ef setið væri í hverju einasta sæti stórrar flugvélar frekar en að fljúga með mörgum minni flugvélum. Jafnframt sagði hann blæbrigðamun á því „að leggja í langferð til Egilsstaða eða fljúga suður til Evrópu til að halda árshátíð.“ Tekur undir að kostnaðurinn sé verulegur Þrátt fyrir þetta sagði hann kostnaðinn sem Inga nefndi vera verulegan. „Ég verð að taka undir það að ég geti ekki annað. Það er auðvitað verulegur tilkostnaður að efna til árshátíðar sem kostar, ef rétt er haft eftir, í kringum hundrað milljónir. Þess vegna segi ég bara almennt til allra félaga í eigu ríkisins og stofnana að við viljum að gengið sé þannig fram að það sé til eftirbreytni. Það er bara svo einfalt.“ Bjarni sagði mikilvægt að halda því til haga að Landsvirkjun hefði aldrei í sögunni gengið betur en undanfarin ár, hefur aldrei greitt hærri arð til ríkisins sem skilar sér inn í fjárlög á hverju ári heldur en undanfarin ár. Á sama tíma og fyrirtækið hefur nánast greitt upp allar sínar skuldir þá tekur til máls. Landsvirkjun Alþingi Ríkisstjórn Bjarna Benediktssonar Flokkur fólksins Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Sjöundi forseti lýðveldisins verður kjörinn Innlent Mætti á kjörstað en fékk þau svör að hún væri búin að kjósa Innlent Jón Gnarr mjög bjartsýnn: „Fyrsti krúnurakaði rauðhærði forsetinn“ Innlent Tívolíbomba hefði getað skapað stórhættu Innlent „Galið! Kosningar eru greinilega ekki fyrir öll!“ Innlent „Unga fólkið er klárlega að velja okkar framboð“ Innlent „Við höfum ekki séð þetta á Íslandi áður“ Innlent Ólík sýn á hvort Ísland eigi að styðja vörn Úkraínumanna Innlent Sársvekktur að hafa ekki getað kosið í Mývatnssveit Innlent Skili embættinu þannig að nýr forseti og þjóðin geti vel við unað Innlent Fleiri fréttir Bein útsending: Kosningasjónvarp Stöðvar 2 Alls konar dýnamík geti komið inn við myndun tveggja turna Beið í klukkustund eftir að fá að kjósa „Galið! Kosningar eru greinilega ekki fyrir öll!“ Mætti á kjörstað en fékk þau svör að hún væri búin að kjósa Ráðinn slökkviliðsstjóri á Suðurnesjum Skipuð í embætti fiskistofustjóra Kjörsókn utankjörfundar minni en 2020 Sársvekktur að hafa ekki getað kosið í Mývatnssveit Allt um æsispennandi forsetakosningar og leik ársins í fótboltanum Skili embættinu þannig að nýr forseti og þjóðin geti vel við unað Kosningarnar þær mest spennandi síðan 1980 Veðurspá slæm fyrir vikuna og bændur hvattir til að huga að búfénaði Slasaðist á buggy-bíl í Básum í Goðalandi Bláa lónið opnar aftur á morgun Sjómannadagsfjör á Skagaströnd Margir góðir frambjóðendur í boði Jón Gnarr mjög bjartsýnn: „Fyrsti krúnurakaði rauðhærði forsetinn“ „Held ég fari bara að sofa upp úr miðnætti“ Rolluhótel sárabót fyrir að missa gistiheimilið „Væta í minni sveit boðaði heldur betur grósku“ „Unga fólkið er klárlega að velja okkar framboð“ Kjörsókn víða ívið betri en í síðustu kosningum Fékk „gríðarlega góð“ viðbrögð eftir kappræðurnar Fólk kasti atkvæði sínu á stríðsbálið „Ég held að þetta verði mjög spennandi“ Forsetavaktin: Sjöundi forseti lýðveldisins verður kjörinn Tívolíbomba hefði getað skapað stórhættu Ólík sýn á hvort Ísland eigi að styðja vörn Úkraínumanna „Við útrýmum ekki ofbeldi með hatri“ Sjá meira
„Meðalverð á starfsmann 500 þúsund krónur fyrir tveggja daga partý á Egilsstöðum,“ sagði Inga og hafði eftir hádegisfréttum RÚV þar sem bæði var talað um áðurnefndar hundrað milljónir, og að tvö- til þrjú hundruð starfsönnum hefði verið flogið austur. Í frétt RÚV kom jafnframt fram að Landsvirkjun hefði leigt breiðþotu frá Icelandair fyrir starfsmenn sína, til þess að fljúga þeim frá höfuðborgarsvæðinu til Egilsstaða. Þau hafi farið austur á föstudag og snúið heim suður á sunnudag. Þóra Arnórsdóttir, forstöðumaður samskipta hjá Landsvirkjun, segir við fréttastofu að útreikningur Ingu um að það sé vel í lagt að reikna út að ferðin hafi kostað 500 þúsund krónur á haus. Að sögn Þóru var áætlunin í kringum níutíu milljónir, en tekur fram að lokaútreikningur liggi ekki fyrir. Á árshátíðinni hafi verið 430 til 450 manns. Hún segist ekki hafa upplýsingar um hvað árshátíðin kostaði á haus. Þóra ArnórsdóttirVísir/Vilhelm „Helmingurinn af starfsfólkinu okkar vinnur úti á landi. Það var löngu búið að ákveða einhvern tímann að halda árshátíð utan höfuðborgarsvæðisins,“ segir Þóra sem bætir við árshátíðir hafi fallið niður vegna Covid-19 síðustu ár, nema í fyrra þegar þau hafi verið of sein skipuleggja og hún því haldin í Reykjavík.. „Þannig það var ákveðið að gera það núna.“ „Stór hluti tekna Landsvirkjunar verður til í þessum landshluta og með því að halda árshátíðina á Egilsstöðum skiljum við eftir tugi milljóna í nærsamfélaginu. Þetta heppnaðist allt upp á punkt og prik og Austfirðingar tóku okkur opnum örmum. Landsvirkjun hefur ekkert til að fela eða skammast sín fyrir varðandi þessa árshátíð. Þetta heppnaðist stórkostlega vel og allir voru ánægðir,“ segir Þóra. Hún bætir við að ekkert gull-risotto eða kampavín hafi verið á boðstólnum. Vanti bara Lady Gaga og Elton John „Hvaða ásýnd er þetta sem við erum að senda út í samfélag sem er að bugast hér undan okurvöxtum og rosalega þröngu búi hjá mörgum fyrirtækjum og heimilum í landinu?“ spurði Inga í fyrirspurnatíma á Alþingi í dag, en hún beindi erindi sínu að forsætisráðherra. Hún líkti árshátíðinni við það „brjálæði sem geisaði“ fyrir efnahagshrunið 2008, þar sem engu skipti hversu mikið hlutirnir kostuðu. Eini munurinn, að sögn Ingu, er sá að Lady Gaga og Elton John voru ekki að spila á árshátíð Landsvirkjunar. Bjarni Benediktsson tekur fram að Landsvirkjun hafi skilað miklum arði í ríkissjóð undanfarin ár.Vísir/Vilhelm Bjarni vísaði til þess að öll félög í eigu ríkisins ættu að horfa til almennu eigendastefnu ríkisins, og minntist sérstaklega á félögin ættu að stuðla að hagkvæmni í rekstri og fjárfestingum. „Ætli við verðum ekki að segja að hérna megi spyrja sig um það hvernig farið er með opinbert fé hvað hagkvæmni snertir. En þetta verður á endanum alltaf að meta eftir atvikum,“ sagði Bjarni. Bjarni benti á að mögulega væri betra ef setið væri í hverju einasta sæti stórrar flugvélar frekar en að fljúga með mörgum minni flugvélum. Jafnframt sagði hann blæbrigðamun á því „að leggja í langferð til Egilsstaða eða fljúga suður til Evrópu til að halda árshátíð.“ Tekur undir að kostnaðurinn sé verulegur Þrátt fyrir þetta sagði hann kostnaðinn sem Inga nefndi vera verulegan. „Ég verð að taka undir það að ég geti ekki annað. Það er auðvitað verulegur tilkostnaður að efna til árshátíðar sem kostar, ef rétt er haft eftir, í kringum hundrað milljónir. Þess vegna segi ég bara almennt til allra félaga í eigu ríkisins og stofnana að við viljum að gengið sé þannig fram að það sé til eftirbreytni. Það er bara svo einfalt.“ Bjarni sagði mikilvægt að halda því til haga að Landsvirkjun hefði aldrei í sögunni gengið betur en undanfarin ár, hefur aldrei greitt hærri arð til ríkisins sem skilar sér inn í fjárlög á hverju ári heldur en undanfarin ár. Á sama tíma og fyrirtækið hefur nánast greitt upp allar sínar skuldir þá tekur til máls.
Landsvirkjun Alþingi Ríkisstjórn Bjarna Benediktssonar Flokkur fólksins Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Sjöundi forseti lýðveldisins verður kjörinn Innlent Mætti á kjörstað en fékk þau svör að hún væri búin að kjósa Innlent Jón Gnarr mjög bjartsýnn: „Fyrsti krúnurakaði rauðhærði forsetinn“ Innlent Tívolíbomba hefði getað skapað stórhættu Innlent „Galið! Kosningar eru greinilega ekki fyrir öll!“ Innlent „Unga fólkið er klárlega að velja okkar framboð“ Innlent „Við höfum ekki séð þetta á Íslandi áður“ Innlent Ólík sýn á hvort Ísland eigi að styðja vörn Úkraínumanna Innlent Sársvekktur að hafa ekki getað kosið í Mývatnssveit Innlent Skili embættinu þannig að nýr forseti og þjóðin geti vel við unað Innlent Fleiri fréttir Bein útsending: Kosningasjónvarp Stöðvar 2 Alls konar dýnamík geti komið inn við myndun tveggja turna Beið í klukkustund eftir að fá að kjósa „Galið! Kosningar eru greinilega ekki fyrir öll!“ Mætti á kjörstað en fékk þau svör að hún væri búin að kjósa Ráðinn slökkviliðsstjóri á Suðurnesjum Skipuð í embætti fiskistofustjóra Kjörsókn utankjörfundar minni en 2020 Sársvekktur að hafa ekki getað kosið í Mývatnssveit Allt um æsispennandi forsetakosningar og leik ársins í fótboltanum Skili embættinu þannig að nýr forseti og þjóðin geti vel við unað Kosningarnar þær mest spennandi síðan 1980 Veðurspá slæm fyrir vikuna og bændur hvattir til að huga að búfénaði Slasaðist á buggy-bíl í Básum í Goðalandi Bláa lónið opnar aftur á morgun Sjómannadagsfjör á Skagaströnd Margir góðir frambjóðendur í boði Jón Gnarr mjög bjartsýnn: „Fyrsti krúnurakaði rauðhærði forsetinn“ „Held ég fari bara að sofa upp úr miðnætti“ Rolluhótel sárabót fyrir að missa gistiheimilið „Væta í minni sveit boðaði heldur betur grósku“ „Unga fólkið er klárlega að velja okkar framboð“ Kjörsókn víða ívið betri en í síðustu kosningum Fékk „gríðarlega góð“ viðbrögð eftir kappræðurnar Fólk kasti atkvæði sínu á stríðsbálið „Ég held að þetta verði mjög spennandi“ Forsetavaktin: Sjöundi forseti lýðveldisins verður kjörinn Tívolíbomba hefði getað skapað stórhættu Ólík sýn á hvort Ísland eigi að styðja vörn Úkraínumanna „Við útrýmum ekki ofbeldi með hatri“ Sjá meira